~ْ~ / عِشـرتَك / ~ْ~

عِشرتَك ..

يــذابحني بعشرتك مني شتريد

ولك مو وصل حدها وراح افضحك

وتعرفني من أسولف أنكَلب سيف

وأكَوم منين ما حاجيك أجرحك

انـــــا الخلصت كل عمري أقريك


صفر بدروسي تاخذ وآنه انجحك

غالي وداعت أمي وجيتك رخيص

أخاف تبيعنـــــــــي مفكر أربحك

انته الروح و انته جروح الجروح

وانته أسباب احزاني التفرحك

شكثر اتمنى أذمك من الاكَيك

ومن الكاك أكَعد بس أمدحك

انه الماسحك من دفتر الشوكَ

بس الكَلب ما يقبل يمسحك

واشيلك دمعة بلكي تطيحك العين

بيدية تطيح عيني وما أطيحك

على جروحي تهد كلك سجاجين

وأكلك سوي بية شما يريحك

انته البيك ماصخ غزر وياي

بعد شيسوي فوكَ جروحي ملحك

يتيم ومن اشوفك أنكَلب عيد

وأشكَكَ دمعتي وكَدامك اضحك